ڪراچي جي مختلف علائقن ۾ طوفاني برسات دوران مختلف واقعن سبب ٽن ٻارڙن سميت چار ڄڻا فوت ٿي ويا ۽ هڪ ڄڻو زخمي ٿي پيو. بحريا ٽائون، ايئرپورٽ، ملير، ڀٽائي آباد، قائدآباد، گلستان جوهر، سرجاني، ميمڻ ڳوٺ، سهراب ڳوٺ ۽ ڀرپاسي واري علائقن ۾ هوا سان گڏ برسات ٿي. گلشن اقبال، نارٿ ناظم آباد، لياقت آباد، فيڊرل بي ايريا، صدر، گارڊن، بهادر آباد، طارق روڊ، آءِ آءِ چندريگر روڊ ۾ پڻ هلڪي ۽ تيز برسات ٿي. برسات سبب ڪيترن ئي علائقن جي بجلي بند ٿي وئي. برسات دوران ڀتيون ڪرڻ سميت مختلف واقعن ۾ ٽن ٻارڙن سميت 4 ڄڻا فوت ٿي ويا. ريڪسيو ذريعن موجب اهي واقعا ملير جي ميمڻ ڳوٺ، محمود آباد چنسير ڳوٺ. ملت ٽائون ۽ گلستان جوهر سميت مختلف علائقن ۾ پيش آيا. ملت ٽائون ۾ ڀت ڪرڻ سبب2 ٻارڙا فوت ٿي ويا. چنيسر ڳوٺ ۾ به ڀت ڪرڻ سبب 8 ورهين جو ٻار فوت ٿي وئي. موسميات ڀرسان ڀت ڪرڻ سبب هڪ ڄڻو فوت ٿي ويو، جڏهن ته هڪ ٻارڙو زخمي پڻ ٿي پيو. موسميات کاتي موجب اتر اوڀر کان هوا 81 ڪلو ميٽر في ڪلاڪ جي رفتار سان هلي، جنهن بعد مختلف علائقن ۾ برسات ٿي.
پي ٽي آءِ جي حڪومت هٽائي وئي ته عمران خان پريشان ٿي ويو، عارف علوي
صدر عارف علوي چيو آهي ته پي ٽي آءِ جي حڪومت هٽائي وئي ته عمران خان پريشان ٿي ويو، هو...
