سنڌ ۾ پنجين ڏهاڙي به وقفي وقفي سان جاري برسات تباهي مچائي ڇڏي

سنڌ ۾ پنجين ڏهاڙي به  وقفي وقفي سان  جاري برسات تباهي مچائي ڇڏي آهي، سامونڊي پٽي جا ڪيترائي ڳوٺ پاڻي ۾ ٻڏي ويا. ڪراچي جي علائقي صدر، آءِ آءِ چندريگر روڊ، گلشن اقبال، گلشن حديد، پپري، قائد آباد، ڪورنگي، مهراڻ ٽائون، شاهراهه فيصل، سچل ڳوٺ، سبزي منڊي ۾ ڪٿي هلڪي ته ڪٿي  وري تيز برسات جاري آهي. ڪورنگي ڪاز وي اڄ ٽئين ڏهاڙي به کلي نه سگهيو جنهن ڪري شهري توڙي ڪاروباري ماڻهو سخت پريشانين کي منهن ڏيڻ تي مجبور آهن. ٺٽي جي سامونڊي پٽيءَ جي علائقن ڪيٽي بندر، ڳاڙهو ۽ ٻگهاڻ وارن علائقن ۾ ٻيهر آنڌاري سان گڏ برسات جو پوڻ سبب هيٺانهين وارا علائقا ۽ ڳوٺ پاڻي هيٺ اچي ويا، جڏهن ته سم نالا اُبتا وهڻ شروع ٿي ويا آهن. پڊ عيدن، ٺري ميرواهه، ڪنب، ڪنڌرا، دوداپور  ۽ ڀرپاسي وارن علائقن ۾  وسڪاري سبب روڊن رستن تي پاڻي بيهجي ويو. سنڌ جي ٻي نمبر وڏي شهر حيدرآباد جي مختلف علائقن ۾ ٻيهر برسات جو سلسلو شروع ٿي ويو، جڏهن لطيف آباد، قاسم آباد، حر ڪئمپ سميت ٻين علائقن ۾ اڃان تائين برساتي پاڻي تلائن جو ڏيک ڏيڻ لڳو آهي.

.وڌيڪ پڙهو…