سنڌ ۾ گيسٽرو تي ضابطو نه آيو وڌيڪ هڪ ٻارڙو حياتي وڃائي ويٺا

سنڌ ۾ گيسٽرو تي ضابطو نه آيو وڌيڪ هڪ ٻارڙو حياتي وڃائي ويٺا، 90 کان وڌيڪ مريضن کي اسپتال داخل ڪيو ويو. ميرپورخاص ۾ تازين برساتن کانپوءِ گيسٽرو جو مرض ودي ويو، روز جي بنياد تي 45 کان 50 مريض  اسپتال داخل ٿي رهيا آهن، سول اسپتال ۾ ايندڙ مريضن لاءِ بيڊ گھٽ پئجي ويا. مورو اوڏ ڪالوني  جو   رھواسي  محمد شريف جو ھڪ ورهين جو  پٽ معصوم پٽ محمد جمن گيسٽرو ۾ مبتلا ھجڻ سبب گھر  ۾ تڪليف وڌڻ ڪري مورو اسپتال پهچايو ويو  جتي  فوت ٿي ويو، جڏهن ته 20 کان وڌيڪ مريضن کي اسپتال داخل ڪيو ويو. متاثرن ۾ رحمان، صداقت علي، نعمان، انيس، فيض محمد ۽ ٻيا ڪيترائي مريض شامل آھن. جيڪب آباد ۾ مردن،  عورتن  ۽ ٻارڙن سميت 20 کان وڌيڪ گيسٽرو جي مريضن کي سول اسپتال داخل ڪيو ويو. مريضن ۾ مسمات گلان. فاطمه محمد بچل،  سونيا،  عائشا،  مختيار احمد،   غلام نبي ۽ ٻيا شامل آهن. صحت کاتي توڙي سول اسپتال ۽ جمس اسپتال انتظاميه گيسٽرو مريضن جي علاج لاءِ ڪي به  قدم نه کنيا آهن.