گڏيل قومن جي سلامتي ڪائونسل افغان طالبان کان عورتن خلاف قدم فوري طور واپس وٺڻ جو مطالبو ڪيو آهي.
پرڏيهي ميڊيا موجب سلامتي ڪائونسل افغانستان ۾ گڏيل قومن لاءِ ڪم ڪندڙ عورتن تي پابندي لاڳو ڪرڻ جي مذمت ڪئي آهي ۽ فوري طور سندن خلاف کنيل قدم فوري طور واپس وٺڻ جو مطالبو ڪيو آهي.
سلامتي ڪائونسل افغان طالبان جي قدمن کي عورتن ۽ ڇوڪرين جي حقن خلاف قرار ڏنو آهي.
ميڊيا رپورٽن موجب گڏيل عرب رياست ۽ جاپان طرفان ان بابت ٺهراءُ گڏيل قومن ۾ جمع ڪرايو ويو، جنهن ۾ عورتن تي لاڳو پابندين کي گڏيل قومن جي تاريخ ۾ بي مثال قرار ڏنو.
ٺهراءَ ۾ چيو ويو ته طالبان جا اهي قدم انساني حقن ۽ انساني اصولن کي ڪمزور بڻائي رهيا آهن، ٺهراءَ ۾ افغان سوسائٽي ۾ عورتن جي ڪردار کي به انٽر قرار ڏنو.
گڏيل قومن ۾ يو ايَ ايِ جي سفير چيو ته 90 کان وڌيڪ ملڪن سندن ٺهراءَ جي حمايت ڪئي آهي، جنهن ۾ افغانستان جي ويجها ملڪ به شامل آهن.
