پي ٽي آءِ اڳواڻ علي محمد خان، قاسم سوري ۽ اعجاز چوڌري کي به گرفتار ڪيو ويو آهي، جڏهن ته شاهه محمود قريشي، اسد عمر ۽ فواد چوڌري کي اڊياجيل منتقل ڪيو ويو.
پوليس موجب اڳوڻي مملڪتي وزير علي محمد خان کي ٿري ايم پي او تحت گرفتار ڪيو ويو آهي.
علي محمد خان کي بني گالا کان سپريم ڪورٽ طرف وڃڻ وقت سرينا چوڪ وٽان گرفتار ڪيو ويو، جڏهن ته قاسم سوري کي به گرفتار ڪيو ويو آهي.
پوليس موجب پي ٽي آءِ سينيٽر اعجاز چوڌري کي گلگت بلتستان هائوس مان گرفتار ڪيو ويو آهي، کيس به ايم پي او تحت حراست ۾ ورتو ويو.
هوڏانهن پي ٽي آءِ جي گرفتار اڳواڻن شاهه محمود قريشي، اسد عمر ۽ فواد چوڌري کي اڊيالا جيل منتقل ڪيو ويو آهي.
پوليس ٽنهي پي ٽي آءِ جي ٽنهي اڳواڻن کي ايم پي او تحت گرفتار ڪيو هو، اسد عمر کي اسلام آباد هائيڪورٽ، فواد چوڌري کي سپريم ڪورٽ جي اڱڻ ۽ شاهه محمود قريشي کي گلگت بلتستان هائوس مان گرفتار ڪيو ويو هو.
