اسلام آباد جي پوليس لائينز ۾ مهمان طور ترسيل پي ٽي آءِ چيئرمين عمران خان سان صدر ڊاڪٽر عارف علويءَ ملاقات ڪئي آهي.
ميڊيا رپورٽن موجب، صدر عارف علوي ۽ عمران خان وچ ۾ ملاقات اڍائي ڪلاڪ جاري رهي، ان موقعي تي گلگت بلتستان جو وڏو وزير خالد خورشيد به موجود هو.
ملاقات ۾ ملڪي سياسي صورتحال، عمران خان جي گرفتاري ۽ مستقبل جي منصوبن تي خيالن جي ڏي وٺ ڪئي وئي.
سپريم ڪورٽ آف پاڪستان سپريم ڪورٽآزاد ڪرڻ کانپوءِ عمران خان کي پوليس لائنز جي گيسٽ هائوس ۾ رکڻ جو حڪم جاري ڪيو هو.
واضح رهي ته سپريم ڪورٽ طرفان القادر ٽرسٽ ڪيس ۾ عمران خان جي گرفتاري کي غير قانوني قرار ڏيندي کيس آزاد ڪرڻ جو حڪم ڏنو هو.
