حڪومت طرفان تحريڪ انصاف جي اڳواڻن ۽ ڪارڪنن خلاف ڪريڪ ڊائون جاري آهي جڏهن ته شيرين مزاري، ڊاڪٽر ياسمين راشد، خسرو بختيار، افضل ساهي، بلال بسرا ۽ ٻين کي گرفتار ڪيو ويو جڏهن ته لاهور ۾ جناح هائوس ۽ ٻين فوجي ٿاڪن تي حملو ڪندڙ ڪجهه جوابدارن جي سڃاڻپ ڪئي وئي آهي.
حڪومت طرفان تحريڪ انصاف جي اڳواڻن ۽ ڪارڪنن خلاف ڪريڪ ڊائون جاري آهي.
تحريڪ انصاف اڳواڻ شيرين مزاري، ڊاڪٽر ياسمين راشد، خسرو بختيار، افضل ساهي، بلال بسرا ۽ ٻين کي گرفتار ڪيو ويو.
پنجاب جي اڳوڻي صوبائي وزير ڊاڪٽر ياسمين راشد کي لاهور مان گرفتار ڪيو ويو جنهن جي پي ٽي آءِ اڳواڻ عندليب عباس پاران تصديق ڪئي وئي.
رات دير سان اسلام آباد مان اڳوڻي وفاقي وزير شيرين مزاري کي به گرفتار ڪيو ويو.
بلوچستان جي صوبائي وزير مبين خلجي کي گرفتار ڪري ڊسٽرڪٽ جيل ڪوئيٽا منتقل ڪيو ويو آهي.
تحريڪ انصاف اڳواڻ خسرو بختيار، افضل ساهي ۽ بلال بسرا کي به گرفتار ڪيو ويو.
پوليس ذريعن جو چوڻ آهي ته ٽنهي اڳواڻن کي سرور روڊ ٿاڻي منتقل ڪيو ويو آهي.
لاهور ۾ جناح هائوس تي حملو ڪندڙ وڳوڙن جي سڃاڻپ جو سلسلو جاري آهي ۽ فوجي ٿاڪن تي حملي ۾ ملوث ڪجهه وڳوڙن جي سڃاڻپ ٿي وئي آهي.
ڀڃڊاهه، قيمتي شيون ۽ دستاويز چوري ڪندڙ جوابدارن خلاف قانوني ڪارروائي جي شروعات ٿي چڪي آهي.
ڪور ڪمانڊر هائوس ۾ ڀڃڊاهه ڪندڙ ڪيترن ئي ماڻهن جي به سڃاڻپ ٿي وئي آهي جڏهن ته وڳوڙن خلاف دهشتگردي ايڪٽ تحت ايف آءِ آر داخل ڪئي وئي آهي.
