صوبائي وزير سعيد غني چيو آهي ته تحريڪ انصاف ۽ عمران خان ملڪ دشمنن جي ايجنڊا تي ڪم ڪري رهيا آهن، ملڪ کي تباهه ڪرڻ جي ڪوشش ۾ ملوث شخص کي هر قسم جي سهولت ڏني پئي وڃي، وڏي پئماني تي تباهي باوجود لاڏلي کي عدالت مان رليف مليو آهي، بلاول ڀٽو زرداري واضح ڪيو آهي ته ڪنهن سياسي پارٽي تي پابندي جي حق ۾ ناهي، ڪراچي جي مسئلن جي حل لاءِ ميئر پ پ جو هئڻ گهرجي.

ڪراچيءَ ۾ ميڊيا سان ڳالهائيندي سعيد غني چيو ته پ پ ڪراچي ڊويزن طرفان آءِ آءِ چندريگر روڊ تي جلسو ٿيندو جنهن ۾ بلاول ڀٽو زرداري شرڪت ڪندو ۽ شھرين جا ٿورا مڃيندو جن مٿن اعتماد ڪيو.

سندس چوڻ هو ته تحريڪ انصاف ۽ عمران خان ملڪ دشمنن جي ايجنڊا تي ڪم ڪري رهيا آهن.

صوبائي وزير سعيد غني چيو ته ملڪ کي تباهه ڪرڻ جي ڪوشش ۾ ملوث شخص کي هر قسم جي سهولت ڏني پئي وڃي.

هن چيو ته وڏي پئماني تي تباهي باوجود لاڏلي کي عدالت مان رليف مليو آهي، بلاول ڀٽو زرداري واضح ڪيو آهي ته ڪنهن سياسي پارٽي تي پابندي جي حق ۾ ناهي.

صوبائي وزير سعيد غني چيو ته ڪراچي جي مسئلن جي حل لاءِ ميئر پ پ جو هئڻ گهرجي..

لنڪ

ٻارنهن مئي واقعي کي 16 ورهيه گذري ويا پر اڃا تائين جوابدار قانون جي گرفت کان ٻاهر آهن جڏهن ته جوابدارن تي فرد جرم لاڳو ٿيڻ باوجود خاص اڳڀرائي ناهي ٿي سگهي.

وڌيڪ تفصيل لاءِ ڏسون ٿا سڪندر ڀٽو جي هيءَ رپورٽ..

سنڌ هاءِ ڪورٽ گم ٿيل ماڻهن جي بازيابي لاءِ داخل درخواستن تي ٻڌڻي ٿي رهي آهي، عدالت وفاقي گهرو،بچاءَ واري سيڪريٽرين ۽ صوبائي گهرو کاتي واري سيڪريٽري کان رپورٽ طلب ڪري ورتي آهي.

سنڌ هاءِ ڪورٽ ۾ گم ٿيل شهري محمد قيصر سميت ٽن ڄڻن جي بازيابي بابت درخواستن تي ٻڌڻي ٿي.

درخواستگذار جي وڪيل موقف اختيار ڪندي چيو ته قيصر ڊفينس جي علائقي مان گم ٿي ويو آهي، خرم ڪاظمي، محمد عارف ٽيپو سلطان ۽ گلزار هجري ٿاڻن جي حدن مان گم ٿي ويا آهن.

جسٽس نعمت الله ڦلپوٽو چيو ته گم ٿيل ماڻهن جي بازيابي جو معاملو انتهائي سنگين آهي، حڪومت ۽ سمورن ادارن جي سهڪار سان اهو مسئلو حل ٿي سگهي ٿو.

عدالت ھدايت جاري ڪندي چيو ته جي آءِ ٽي ۽ ٽاسڪ فورس اجلاسن جي سفارشن جي روشني ۾ گم ٿيل ماڻهن جو پتو لڳايو وڃي.

عدالت آءِ جي سنڌ ۽ ڊي جي رينجرز کي رپورٽ پيش ڪرڻ جو حڪم ڏيندي ٻڌڻي ملتوي ڪري ڇڏي..

شهدادڪوٽ ۾ وڌندڙ بدامني خلاف سنڌ ترقي پسند پارٽي جي طرفان ٽئين ڏينهن به احتجاجي مظاهرو ڪري ڌرڻو هنيو ويو.

ڪارڪنن امداد سومرو، رشيد مگسي، عمران خشڪ ۽ ٻين جي اڳواڻي ۾ ڪوٽو موٽو چوڪ تي ڌرڻو هڻي پوليس خلاف نعريبازي ڪئي.

احتجاج ڪندڙن چيو ته شهر ۽ ڀرپاسي ۾ بدامني چوٽ چڙهي وئي آهي، چوريون، ڦرون ۽ ڌاڙا روز جو معمول بڻجي ويا آهن.

هنن اي سيڪشن ٿاڻي جي پوليس مٿان  الزام مڙهندي چيو آهي ته پوليس ڏوهارين سان ٻٽ بڻيل آهي.

مظاهرين چيو ته  پوليس جوابدارن کي گرفتار ڪرڻ بعد ڳري رشوت وٺي کين آزاد ڪري ڇڏي ٿي، جنهن  ڪري ڏوهاري بنا ڪنهن خوف جي شهر ۾ بدامني پکيڙي رهيا آهن.

هنن آءِ جي سنڌ کان مطالبو ڪيو ته معاملي جو نوٽيس وٺي شهر ۾ ايماندار آفيسر مقرر ڪري بدامن تي ضابطو آندو وڃي..

شهدادڪوٽ ۾ مختلف هنڌن تي واهن ۽ شاخن کي لڳل گهارا اڃا تائين بند نه ٿي سگهيا آهي.

سنڌ ٽي وي نيوز جي تي خبر نشر ٿيڻ کانپوءِ ڊي سي دورو ڪري صورتحال جو جائزو ورتو.

ان موقعي تي ڊي سي ۽ آبادگارن سنڌٽي وي نيوز جي رپورٽر واحد ڀٽي سان پنهنجا ويچارهن ريت ونڊيا آهن