ڪراچيءَ جي عدالت ارشد پپو قتل ڪيس ۾ ايندڙ ٻڌڻي تي عذير بلوچ کي پيش ڪرڻ جو حڪم ڏيندي ٻڌڻي ٻن ھفتن لاءِ ملتوي ڪري ڇڏي.
دھشتگردي ٽوڙ عدالت ۾ ارشد پپو قتل ڪيس جي ٻڌڻي ٿي.
ٻڌڻي دوران سڪيورٽي خدشن سبب ڏوھاري ٽولي جي سربراھھ عذير بلوچ کي عدالت ۾ پيش نھ ڪيو ويو.
عذير بلوچ جو ڀاءُ زبير بلوچ، يوسف بلوچ، ذاڪر ڏاڏا ۽ ٻيا جوابدار پيش ٿيا.
عدالت رينجرز پراسيڪيوٽر تي ڪاوڙ جو اظھار ڪندي چيو تھ عذير بلوچ کي ڇو پيش نٿو ڪيو وڃي ڇا ھي ڪيس سالن تائين ھلندا رھندا.
عدالت ايندڙ ٻڌڻي تي عذير بلوچ کي پيش ڪرڻ جو حڪم ڏيندي ٻڌڻي ٻن ھفتن لاءِ ملتوي ڪري ڇڏي.
ڪمزور پراسيڪيوشن ۽ ثبوت نھ ٿيڻ سبب لياري جي ڏوھاري ٽولي جو سربراھھ عذير بلوچ ھن وقت تائين 38 ڪيسن مان بري ٿي چڪو آھي.
عذير بلوچ خلاف 60 کان وڌيڪ ڪيس داخل ٿيل آھن.
