بلوچستان جي علائقي هوشاب ۾ سڪيورٽي فورسز دهشتگردن جو حملو ناڪام بڻائي ڇڏيو، فائرنگ جي نتيجي ۾ 5 دهشتگرد مارجي ويا.
پاڪ فوج جي ترجمان داري آءِ ايس پي آر طرفان جاري پڌرائي موجب،هوشاب ۾ دهشتگردن سڪيورٽي فورسز جي پوسٽ تي حملو ڪيو.
آءِ ايس پي آر موجب سڪيورٽي فورسز مڪمل ڪاميابي سان دهشتگردن جي حملي کي ناڪام بڻائي ڇڏيو، دهشتگردن کي بلور ويجهو جبلن ۾ نشانو بڻايو ويو.
آءِ ايس پي آر موجب، سڪيورٽي فورسز جي ڪارروائي ۾ 5 دهشتگرد مارجي ويا، جن جي قبضي مان وڏي مقدار ۾ هٿيار ۽ بارودي مواد هٿ ڪيو ويو.
آءِ ايس پي آر موجب فرار ٿيل دهشتگردن جي ڳولا لاءِ علائقي ۾ آپريشن جاري آهي.
ڊي جي آءِ ايس پي آر جو وڌيڪ چوڻ آهي ته پاڪ فوج بلوچستان جي امن، استحڪام ۽ ترقي کي سبوتاز ڪرڻ جي ڪوشش کي ناڪام بڻائڻ لاءِ پرعزم آهي.
