آزاد ڪشمير جي اڳوڻي وزيراعظم ۽ تحريڪ انصاف اڳواڻ سردار تنوير الياس چيو آهي ته عمران خان ماڻهن کي پنهنجي مطلب لاءِ استعمال ڪندو آهي، سندس ٻه چهرا آهن، هو ايندڙ ڏينهن ۾ ٻن چهرن واري عمران خان کي وائکو ڪندو، هي قومي ادارن تي اهڙا حملا ڪري رهيو آهي جيڪو دشمن به نه ڪري سگهيو، عمران خان جي اهڙن حملن ۽ ٻولي جي مذمت ڪريون ٿا.
جاري ڪيل بيان ۾ سردار تنوير الياس چيو ته عمران خان پنهنجي ذات ۾ گم ٿي چڪو آهي، پي ٽي آءِ چيئرمين جا ٻه چهرا آهن.
سندس چوڻ هو ته هو ايندڙ ڏينهن ۾ ٻن چهرن واري عمران خان کي وائکو ڪندو، عمران خان پنهنجي پراڻي دوست جي جنازي ۾ نه ويو، جيڪا شيءِ عمران خان جي حق ۾ هجي ان کي هو مڃڻ لاءِ تيار هوندو آهي.
آزاد ڪشمير جي اڳوڻي وزيراعظم ۽ تحريڪ انصاف اڳواڻ سردار تنوير الياس چيو ته هي قومي ادارن تي اهڙا حملا ڪري رهيو آهي جيڪو دشمن به نه ڪري سگهيو، عمران خان جي اهڙن حملن ۽ ٻولي جي مذمت ڪريون ٿا.
