ڪشمور ڪنڌڪوٽ ضلعي مان ماڻهن جي اغوا جو سلسلو رڪجي نه سگهيو 24 ڪلاڪن دوران وڌيڪ چار ڄڻا اغوا ٿيڻ بعد مغوين جو انگ وڌي 30 ٿي ويو آهي.
بي سيڪشن ٿاڻي جي حد چمني شاخ ڀرسان مڇي جي فارم تي چوڪيداري ڪندڙ فيصل ميراڻي، عرفان ميراڻي ۽ علي جان ميراڻي کي اٺ کان وڌيڪ ھٿياربند هٿيارن جي زور تي مبينا طور اغوا ڪري ويا.
اطلاع ملڻ بعد ميراڻي برادري جا ماڻھو پيري پويان روانا ٿي ويا جڏهن ته ھن مھل تائين کين ڪابه ڪاميابي نه ملي سگھي آھي.
حد جي پوليس واقعي واري ھنڌ پهچي تفصيل معلوم ڪيا.
گذريل ڏينهن ڌاڙيل ساڳئي ئي علائقي مان بابر ميراڻي نالي نوجوان کي به اغوا ڪري ويا ھئا.
ضلعي ڪشمور مان اغوا ٿيل مغوين جو انگ ٽيھه کان وڌي ويو.
اغوائن جي وڌنڌڙ وارداتن سبب علائقي ۾ خوف پکڙيل آھي ۽ ماڻھو گھرن ۾ رھڻ کي ترجيح ڏيڻ لڳا.
