اسلام آباد جي سيشن عدالت عمران خان ۽ بشريٰ بي بي خلاف عدت ۾ نڪاح واري درخواست نه ٻڌڻ جوڳي قرار ڏيندي خارج ڪري ڇڏي آهي.
اسلام جي ڊسٽرڪٽ اينڊ سيشن ڪورٽ ۾عمران خان ۽ بشريٰ بي بي جي نڪاح خلاف داخل درخواست تي ٻڌڻي ٿي.
درخواست ڏيندڙ جي وڪيل راجا رضوان عباسي جو چوڻ هو ته جيڪڏهن شادي قانوني هئي ته ٻيهر نڪاح ڇو ڪيو ويو؟ عدت دوران شادي غير قانوني آهي، ائين ڪرڻ ٺڳي آهي.
جج سوال ڪيو ته عمران خان جو نڪاح لاهور ۾ ٿيو، هن عدالت جي اختيار جو دائرو ڪيئن ٿو ٿئي؟
وڪيل چيو ته بني گالا کان ٺڳي شروع ٿي ۽ نڪاح لاهور ۾ ٿيو، نڪاح پڙهائيندڙ کي به اسلام آباد کان لاهور وٺي ويا، فيبروري 2018ع ۾ عمران خان ۽ بشريٰ بيبي جو نڪاح ٻيهر اسلام آباد ۾ پڙهايو.
اسلام آباد جي ڊسٽرڪٽ اينڊ سيشن ڪورٽ محفوظ ٿيل فيصلو ٻڌايو.
فيصلي ۾ چيو ويو آهي ته عدت ۾ نڪاح جي درخواست عدالت جي اختيارين کان ٻاهر آهي.
