پاڪستان ڪرڪيٽ بورڊ جي مئنيجمينٽ ڪميٽي جي سربراھھ نجم سيٺي چيو آھي تھ ايشين ڪرڪيٽ ڪونسل جي صدر جي شاھھ سان سندس سٺا لاڳاپا آھن، ڄاڻ آھي تھ ھو آءِ سي سي جو سربراھھ بڻجڻ چاھي ٿو.
پرڏيھي ميڊيا کي انٽرويو ڏيندي نجم سيٺي چيو تھ ايشيا ڪپ ڪھڙي ۾ کيڏيو ويندو اھو سوال جئي شاھھ کان ڪرڻ گھرجي.
ھن چيو تھ پي سي بي جيڪو ايشين ڪرڪيٽ ڪونسل ۾ موقف اختيار ڪرڻو ھو ڪري ڇڏيو، جئي شاھھ ڇو نھ ايشيا ڪپ بابت حتمي فيصلي جو اعلان ڪري رھيو آھي؟ پي سي بھ نھ پر ڀارتي ڪرڪيٽ بورڊ ضد ڪري رھيو آھي، ھو تھ چون ٿا پاڪستان ڀارت ۾ ۽ ڀارت پاڪستان ۾ اچي کيڏي.
نجم سيٺي چيو تھ پاڪستان ڪيترائي ڀيرا 2008ع کانپوءِ ڀارت کيڏڻ ويو، پاڪستان ڀارت جي مھمان نواز جو ثبوت 2008 ۾ ڏنو، دھلي ۾ ڏڦيڙن جي وقت ڪرڪيٽ بند ٿي وئي ھئي، پاڪستان جي سڪيورٽي صحيح ھئي، سموريون وڏيون ٽيمون پاڪستان اچي کيڏيون آھن، پاڪستان جو دورو ڪندڙ ٽيمون بي وقوف نھ آھن، ڀارت جي ٻين راندين جون ٽيمون پاڪستان کيڏي ويون تھ پوءِ ڪرڪيٽ ۾ ڪھڙو ضد آھي؟
ھن وڌيڪ چيو تھ پاڪستان بھ ڀارت جي دوري ڪرڻ وقت اسپيشل سڪيورٽي جو مطالبو ڪندو ۽ سياست ڪندو تھ پاڪ ڀارت ڪرڪيٽ نھ ھلندي،
