گرانٽ بريڊ برن کي پاڪستان ڪرڪيٽ ٽيم جو ھيڊ ڪوچ مقرر ڪيو ويو آھي.
پي سي بي موجب گرانٽ بريڊ برن کي ٻن سالن لاءِ پاڪستان ٽيم جو ھيڊ ڪوچ مقرر ڪيو ويو آھي.
گرانٽ بريڊ برن نيوزيلينڊ خلاف ھاڻوڪي سيريز ۾ ڪنسلٽنٽ طور ذميواري نڀائي ھئي ۽ اھا سيريز پاڪستان 1-4 تان پنھنجي نالي ڪئي.
پاڪستاني ٽيم چوٿين ميچ کٽڻ بعد عالمي ون ڊي رينڪنگ ۾ پھرين نمبر تي بھ اچي وئي ھئي.
گرانٽ بريڊ برن ان کان اڳ 2018ع کان 2020 تائين پاڪستاني ٽيم جو فيلڊنگ ڪوچ بھ رھيو ھو.
گرانٽ بريڊ برن اسڪاٽ لينڊ جي ٽيم جو بھ ھيڊ ڪوچ رھي چڪو آھي.
ذريعن جو چوڻ آھي تھ بيٽنگ ڪوچ اينڊريو پٽڪ سان بھ ٻن سالن جو معاھدو ٿي ويو آھي، اينڊريو پٽڪ بھ ذميواريون نڀائڻ لاءِ راضپو ظاھر ڪري ڇڏيو آھي.
پي سي بي جي مئنيجمينٽ ڪميٽي جي چيئرمين نجم سيٺي جو چوڻ آھي تھ بريڊ برن کي ھيڊ ڪوچ مقرر ڪندي خوشي ٿي رھي آحي، ھو انتھائي تجربيڪار ڪوچ آھي ڇو تھ ھو ان کان اڳ پاڪستان ڪرڪيٽ بورڊ سان سلھاڙيل رھيو آھي ۽ سندن ڪلچرل مان واقف آھي.
