ترڪيھ جي اپوزيشن ليڊر ۽ صدارتي اميدوار اليڪشن ۾ روسي مداخلت جو الزام لڳايو آھي.
ميڊيا رپورٽس موجب ترڪيھ جي اھم اپوزيشن ليڊر ۽ پارلياماني ۽ صدارتي اليڪشن ۾ ترڪ صدر طيب اردگان جي مخالف ڪمال قليچ اليڪشن کان ھڪ ڏينھن اڳ روس جي مداخلت جو الزام ھنيو.
ڪمال قليچ چيو تھ سندن مخالفن طرفان پرڏيھي ھيڪرز کي جعلي وڊيوز ۽ ڪجھھ آڊيوز ٺاھڻ جي لاءِ ھائر ڪيو ويو آھي جنھن جو مقصد اليڪشن کان اڳ اپوزيشن کي بدنام ڪرڻ آھي.
ڪمال قليچ چيو تھ ڊئير رشين فرينڊز اوھان سازشن، سنسني ۽ انتھائي جعلي مواد جي پويان آھيو جنھن اوھان جي ملڪ جي حقيقت کولي ڇڏي آھي، جيڪڏھن اوھان 15 مئي بعد دوستي رکڻ چاھيو ٿا تھ ترڪ رياست کي پنھنجو ھٿ ڏيو.
ٻئي طرف ماڪسو ڪمال قليچ جي الزامن جي ترديد ڪندي ان کي اليڪشن مھم جو ھڪ حصو قرار ڏنو آھي.
ڪريملن ترجمان چيو تھ ھو ترڪيھ جي اپوزيشن اڳواڻ جي انھن الزامن کي رد ڪن ٿا ۽ باضابطھ طور تي ھو ٻڌائي چڪا آھن تھ ترڪيھ جي اليڪشن ۾ مداخلت جھڙي ڪا ڳالھھ نھ آھي، جيڪڏھن ڪنھن ڪمال قليچ کي اھڙو اطلاع ڏنو اھي تھ اھو بھ ڪوڙ آھي.
ڪريملن ترجمان جو چوڻ ھو تھ ترڪيھ ھڪ انتھائي ذميوار رياست آھي ۽ ماسڪو ترڪيھ جي لاڳاپن کي تمام گھڻي اھميت ڏيندو آھي.
