آءِ ايم ايف جي شرط تي ايندڙ بجيٽ ۾ پراپرٽي سيڪٽر ۾ ٽيڪس لڳائڻ جي تجويز ڏني وئي آھي.
ايف بي آر ذريعن موجب ايندڙ بجيٽ ۾ پراپرٽي سيڪٽر ۾ فائزل جي ڏي وٺ تي ٽيڪس لاڳو ڪرڻ جي تجويز آھي، ھائوسنگ سوسائٽيز ۾ پلاٽ جي ڏي وٺ ڪندڙ ايجنٽس کي رجسٽرڊ ڪيو وڃي ۽ رجسٽرڊ پراپرٽيز ايجنٽس تي فائلن جي ڏي وٺ تي ٽيڪس لاڳو ڪيو وڃي.
ذريعن موجب، بجيٽ ۾ پلاٽس وڪرو ۽ خريد ڪندڙ نان فائلرز جي لاءِ ٽيڪسز جي شرح ٻيڻي ڪئي وڃي، جڏھن ھن وقت فائلز جي لاءِ پلاٽ جي خريد ۽ وڪري تي 2سيڪڙو ود ھولڊنگ ۽ 2سيڪڙو گين ٽيسٽ لاڳو آھي.
ذريعن جي موجب پلاٽ جي وڪري ۽ خريد تي نان فائلرز جي لاءِ 7سيڪڙو ود ھولڊنگ ۽ 4سيڪڙو گين ٽيڪس لاڳو آھي، بجيٽ ۾ پلاٽ جي خريد ۽ وڪري تي فائلرز ۽ نان فائلرز لاءِ ٽيڪس بھ وڌائڻ جي تجويز آھي.
ذريعن جو چوڻ آھي تھ پلاٽس ۾ فائلن جي خريد ۽ وڪري تي ٽيڪس ميڪنزم نھ ھجڻ سبب ٽيڪس چوري ٿي رھيو آھي .
