غوثپور ڀرسان چاچڙ برادري جي ٻن ڌرين ۾ هلندڙ خوني تڪرار تان هڪ نوجوان مارجي ويو.
ڳوٺ واحد بخش بجاراڻي ۾ چاچڙ برادري جي ٻن ڌرين ۾ هلندڙ پراڻو خوني تڪرار هڪ ڀيرو ٻيهر ڀڙڪي اٿيو، جھيڙي دوران ٻنهي ڌرين هڪ ٻئي مٿان جديد هٿيارن جا منهن کولي ڇڏيا.
فائرنگ جي نتيجي ۾ شبير چاچڙ ڌر جو 30 ورهين جو نوجوان شهمير چاچڙ ٿڏي تي مارجي ويو، جڏهن ته ٻنهي ڌرين ۾ ڇڪتاڻ تيز ٿئي وئي ۽ ڌرين ۾ وقفي وقفي سان فائرنگ جو سلسلو جاري رهيو.
مارجي ويل نوجوان جو لاش واقعي واري هنڌ تي پيل رهيو، حد جي پوليس اھڙي اطلاع ملڻ بعد واقعي واري هنڌ وقت تي نه پهتي.
پنج سال اڳ چاچڙ برادري جي ٻن ڌرين شبير چاچڙ ۽ عيسو چاچڙ ڌر وچ ۾ زميني جي مالڪي تان جهيڙو ٿيو هو، جنهن ۾ هن وقت تائين مجموعي طور تي ٻنهي ڌرين جا ٻھ ڄڻا گولين جو کاڄ بڻجي چڪا آهن.
