ترڪيه ۾ صدارتي ۽ پارلياماني چونڊون اڄ ٿينديون، صدارتي چونڊن ۾ صدر طبيب اردوان سميت ٽي اميدوار ميدان تي لٿل آهن.
ترڪ ميڊيا موجب، صدارتي چونڊن ۾ ترڪ صدر طيب اردوان ۽ مخالف ڌر اڳواڻ ڪمال قليچ داراوغلو وچ ۾ سخت مقابلي جو امڪان آهي.
ترڪيه سپريم اليڪشن ڪونسل جي چيئرمين احمد ينر موجب، ملڪي تاريخ ۾ پهريون ڀيرو پارليامان جي ڇهه سئو سيٽن لاءِ 24 پارٽيون ۽ 151 آزاد اميدوار حصو وٺي رهيا آهن.
چونڊن کان اڳ ترڪ صدر طيب اردوان ۽ سندس حامين تاريخي آيا صوفيه مسجد ۾ نماز ادا ڪئي ۽ ڪاميابي لاءِ دعائون گھريون.
هوڏانهن ترڪ ميڊيا جو چوڻ آهي ته صدارتي اميدوار کي ڪاميابي لاءِ 50 سيڪڙو ووٽ حاصل ڪرڻا پوندا جيڪڏهن فيصلو نه ٿي سگھيو ته وڌيڪ ووٽ کڻندڙ ٻن اميدوارن وچ 28 مئي تي ٻيهر مقابلو ٿيندو.
ترڪيه ۽ ترڪيه کان ٻاهر تقريبن ساڍا 6 ڪروڙ کان وڌيڪ ووٽر پنهنجي ووٽ جو حق ادا ڪندا.
