سڌ سماءَ واري وفاقي وزير مريم اورنگزيب، پي ٽي آءِ چيئرمين عمران خان جي بيان کي ڏوهه جو اعتراف قرار ڏئي ڇڏيو، سندس چوڻ آهي ته عمران خان کي پنهنجي چوري پڪڙجڻ جو خوف آهي، حساس هنڌن، ايمبولينس، اسڪول، مسجد تي حملا، شهيدن ۽ غازين جي يادگارن جي بيحرمتي پٺيان اوهان جي رٿابندي آهي، اوهان بار بار چيو ته گرفتار ٿيس ته حملا ڪرڻا آهن، آرمي چيف جو نالو ان لاءِ ورتو پيو وڃي ته هو فارن ايجنٽ سان بند ڪمري ۾ نه ملي رهيو آهي، منهنجي گهٽي منهنجي مرضي نه، قوم جا 60 ارب رپيا آهن منهنجي مرضي نه هلندي.
عمران خان جي بيان تي رد عمل ڏيندي مريم اورنگزيب چيو ته عمران خان جو بيان ڏوهه جو اعتراف آهي، حساس هنڌن، ايمبولينس، اسڪول، مسجد تي حملا، شهيدن ۽ غازين جي يادگارن جي بيحرمتي پٺيان اوهان جي رٿابندي آهي.
سندس چوڻ هو ته اوهان بار بار چيو ته گرفتار ٿيس ته حملا ڪرڻا آهن، آرمي چيف جو نالو ان لاءِ ورتو پيو وڃي ته هو فارن ايجنٽ سان بند ڪمري ۾ نه ملي رهيو آهي، ڳجهي ملاقات نه ٿيڻ تي آرمي چيف ۽ ڊي جي آءِ ايس پي آر کي پڪاريو پيو وڃي.
سڌ سماءَ واري وفاقي وزير مريم اورنگزيب چيو ته منهنجي گهٽي منهنجي مرضي نه، قوم جا 60 ارب رپيا آهن منهنجي مرضي نه هلندي، اوهان ۽ اوهان جي گهرواري القادر ٽرسٽ جي زمين هڙپ ڪئي.
هن چيو ته فارن ايجنٽ ۽ سندس ايجنڊا پوري طرح وائکا ٿي چڪا آهن، اوهان جي دهشتگردي ۽ هٿياربند جٿا ملڪ خلاف کلي ڪري سامهون اچي ويا آهن.
سڌ سماءَ واري وفاقي وزير مريم اورنگزيب چيو ته اوهان جي ملڪ دشمني، دهشتگردي ۽ هٿياربند جٿا وائکا ٿي ويا، قومي ملڪيتن تي حملا رڳو دهشتگرد ۽ ملڪ دشمن ڪندا آهن
