تحريڪ انصاف چيئرمين عمران خان جي گرفتاريءَ بعد جي ايڇ ڪيو راولپنڊي تي حملي ۾ ملوث 14 وڳوڙين جي سڃاڻپ ٿي وئي آهي.
پرتشدد ڪاررواين ۾ ملوث وڳوڙن جي سڃاڻپ ۽ گرفتارين جو سلسلو تيزي سان جاري آهي جڏهن ته ڪيترن ئي وڳوڙن جي سڃاڻپ ٿي وئي آهي.
ذريعن موجب، پرتشدد مظاهرن ۾ شامل چئن عورتن سميت 14 ماڻهن جي سڃاڻپ ٿي آهي.
سڃاڻپ ٿيل جوابدارن ۾ روالپنڊي واسي افشان ڪامران، فاطما احسان، شبانا فياض، زاهد علي شاهه گيلاني، خان ڪاشف خان، محمد عثمان قريشي، پيرزاده شهباز ناصر ۽ حماد خان شامل آهن.
اسلام آباد واسي ابوبڪر احمد، عابد ملڪ، جهانگير احمد مري واسي انصر جاويد، ڪراچي واسي عاصمه خورشيد ۽ چڪوال واسي منيزا احمد جي به سڃاڻپ ٿي آهي.
حڪومتي ۽ فوجي ملڪيتن کي نقصان پهچائيندڙ ۽ وڳوڙ ڪندڙن جو گهيرو تنگ ڪرڻ لاءِ قانون لاڳو ڪندڙ ڇاپا هڻندڙ ٽيمون جوابدارن جي گرفتاري لاءِ سرگرم آهن..
