صوبائي وزير سعيد غني چيو آهي ته لوڪل گورنمينٽ ايڪٽ ۾ ترميم تي حافظ نعيم جا اعتراض بي بنياد آهن، مڪاني ادارن جي چونڊن ۾ پيپلز پارٽي جي ڪاميابي جماعت اسلامي کي قبضو لڳي رهيو آهي، حافظ نعيم صوبي ۾ نفرت ۽ ورهاڱي جي سياست کي هٿي پيو ڏي، جمهوري حڪومت جو ساٿ ڏيڻ تي آرمي چيف کي نشانو بڻايو پيو وڃي.
ڪراچيءَ ۾ پ پ اڳواڻ وقار مهدي، جاويد ناگوري ۽ نجمي عالم سان گڏ پريس ڪانفرنس ڪندي سعيد غني چيو ته چونڊن ۾ مقابلو ته ٿيندو آهي، حافظ نعيم ذهن ٺاهي ڇڏيو آهي ته هو ڪراچيءَ جو ميئر بڻجي ويندو.
سندس چوڻ هو ته سنڌ حڪومت لوڪل گورنمينٽ ايڪٽ ۾ ترميم بابت تجويزون طلب ڪيون هيون، سنڌ اسيمبليءَ ۾ ترميمون اتفاق راءِ سان منظور ٿيون هيون.
صوبائي وزير سعيد غني چيو ته لوڪل گورنمينٽ ايڪٽ ۾ ترميم تي حافظ نعيم جا اعتراض بي بنياد آهن، جماعت اسلامي ايترو ڪوڙ ڳالهائيندي آهي جنهن جي انتها ناهي، حافظ نعيم هر ڳالهه تان ڦري ويندو آهي.
هن چيو ته حافظ نعيم سنڌ دشمني ۾ لڳل آهي، جماعت اسلامي کي سيٽن ۾ اضافي تي ٿورا مڃڻ گهرجن، هو چئي رهيو آهي عدالت ۾ چئلينج ڪندا اهو به شوق پورو ڪري وٺي.
سندس چوڻ هو ته پيپلز پارٽيءَ هاڪاري طريقي سان آدمشماري تي خدشن جو اظهار ڪيو، بلاول ڀٽو زرداري وفاق کان ڌار ٿيڻ تائين جو چيو، مخالف ڌر مڪاني ادارن جي قانون ۾ ترميم جي حمايت ڪئي هئي، ڄاڻي واڻي ڪراچي ۽ سنڌ کي مينشن ڪري نفرت پکيڙڻ جي ڪوشش ڪئي.
صوبائي وزير سعيد غني چيو ته پيپلز پارٽي نه جماعت اسلامي جا نتيجا حيران ڪندڙ آهن، هو پ پ ڪارڪنن ۽ ڪراچي جي شهرين جا ٿورائتا آهن جن جلسي ۾ شرڪت ڪئي.
سندس چوڻ هو ته عمران خان ملڪ دشمن ايجنڊا تي هلي رهيو آهي، عمران خان ملڪي سلامتي لاءِ خطرو آهي.
صوبائي وزير سعيد غني چيو ته عمران خان جيڪو ڪجهه ڪيو اها بي جي پي جي خواهش هئي، عمران خان اهو ڪري ڏيکاريو جيڪو تحريڪ طالبان نه ڪري سگهي.
