پاڪستاني اداڪارا ۽ ماڊل مديحا افتخار چيو آهي ته شادي اهو سوچي ڪئي هئي ته ڏسان ته سڄو ڏينهن ماڻهن سمهن ڪيئن ٿا.
اداڪارا مديحا افتخار هڪ ٽي وي چئنل کي انٽرويو ڏينديچيو ته ڪو به اداڪار اداڪاري نه ٿو ڇڏي سگهي، هوءَ پاڻ به ان ڳالهه تي يقين نه رکندي هئي پر هاڻي يقين ٿي ويو آهي ته ائين ئي آهي، ڪڏهن ڪڏهن اداڪاري سبب ذهني طور ٿڪجي پوندا آهيون ۽ ادڪاري ڇڏڻ جو سوچيندا آهيون پر پوءِ به اداڪاري کي نه ڇڏي سگهندا آهيون.
مديحه افتخار چيو ته اداڪاري ڪري ٿڪجي پئي هيس، سوچيو ته هاڻي گهڻو ٿي ويو، شادي ڪري ڏسان ٿي ته سڪون سان ماڻهو سڄو ڏينهن سمهن ڪيئن ٿا، فلمون ڪيئن ڏسن ٿا ۽ گهر ۾ ڪيئن انجواٰءِ ڪن ٿا، شادي ڪرڻ بعد مڙس چيو ته ڪم ڪرڻو آهي پر مان انڪار ڪري ڇڏيو ته گهر ۾ انجواءِ ڪرڻو آهي ۽ ٻن اڍائين سالن بعد احساس ٿيو ته ڪم ڪرڻ گهرجي.
واضح رهي ته اداڪارا مديحه افتخار 2015 ۾ شادي بعد شوبز کان پري ٿي وئي هئي، 2018 ۾ اداڪارا ٻيهر شوبز ۾ انٽري ڪئي هڪ پراجيڪٽ بعد ٻيهر سالن تائين اسڪرين تان گم ٿي وئي ۽ هاڻي ٽي وي جي اسڪرين تي ڏٺو ويو.
