غوثپور ويجهو اڻڄاتل هٿياربند نجي ٽي وي جي رپورٽر جي ٽريڪٽر ڊرائيور کي اغوا ڪري ڪچي طرف کڻي فرار ٿي ويا آهن.
دراني مهر جي ڪچي واري علائقي ۾ 6 هٿياربند ڪاهه ڪري ٽريڪٽر ڊرائيور عبدالغفور جعفري يرغمال بڻائي ٽريڪٽر ۾ کڻي ڪچي طرف فرار ٿي ويا آهن.
اطلاع ملڻ بعد حد جي پوليس واقعي واري هنڌ پهچي ڪرائيم سين جو معانو ڪيو.
ذريعن جو چوڻ آهي ته پوليس کي هن مهل تائين ڪا به ڪاميابي نه ملي سگهي ، ڏوهاري پوليس جي گهيري مان فرار ٿيڻ ۾ ڪامياب ٿي ويا آهن.
واضح رهي ته گذريل ٽن ڏينهن دوران ڏوهارين ٻن پوليس پڪٽن تي حملو ڪري ٻن پوليس اهلڪارن کي شهيد ۽ هڪ کي زخمي ڪري سرڪاري هٿيار به پاڻ سان گڏ کڻي ويا آهن.
