فوجي قيادت، 9 مئي جي فوجي هنڌ تي حملن ۽ پرتشدد ڪاررواين ۾ ملوث شرپسند خلاف آرمي ايڪٽ، آفيشل سيڪريٽ ايڪٽ تحت ڪارروائي ڪرڻ جو فيصلو ڪيو آهي.
ڊي جي آءِ ايس پي آر طرفان جاري ڪيل بيان ۾ چيو ويو ته آرمي چيف جنرل عاصم منير جي صدارت هيٺ ڪور ڪمانڊرز ڪانفرنس ٿي.
ڪانفرنس ۾ ملڪ جي موجوده سڪيورٽي صورتحال تي غور ڪيو ويو ۽ شرڪت ڪندڙن کي اندروني ۽ ٻاهرين سڪيورٽي صورتحال تي بريفنگ ڏني وئي.
ڪانفرنس ۾ 9 مئي تي فوجي هنڌن ۽ تاريخي عمارتن جي ڀڃ ڊاهه جي مذمت ڪئي وئي.
ڪور ڪمانڊرز ڪانفرنس ۾ چيو ويو ته رٿابندي تحت شهيدن جي تصويرن ۽ يادگارن جي بي حرمتي ڪئي وئي.
فوجي قيادت چيو ته حملن جو مقصد اداري کي بدنام ڪرڻ ۽ زبردست رد عمل لاءِ ڀڙڪائڻ هو.
فوجي قيادت فيصلو چيو ته پاڪ فوج جي ٿاڪن تي حملو ڪندڙن خلاف فوجي ايڪٽ تحت ڪيس داخل ڪري سگهجي ٿو.
ڪانفرنس ۾ چيو ويو ته سوشل ميڊيا تي قانون جي ڀڃڪڙي ڪندڙن خلاف قانوني ڪارروائي ڪئي وڃي.
ڪور ڪمانڊرز ڪانفرنس ۾ چيو ويو ته ڪنهن به حالت ۾ فوجي ٿاڪن تي حملو ڪندڙن خلاف وڌيڪ صبر جو مظاهرو نه ڪيو ويندو.
فورم عوام جي اعتماد کي بحال ڪرڻ، اقتصادي سرگرمين جي بحالي ۽ جمهوري عمل کي مضبوط ڪرڻ لاءِ جاري سياسي عدم استحڪام کي ترجيحي بنيادن تي حل ڪرڻ لاءِ سمورن اسٽيڪ هولڊرز وچ ۾ قومي اتفاق راءِ جي ضرورت تي زور ڀريو.
فورم ان تمام ضروري اتفاق راءِ تائين پهچڻ لاءِ اهڙين سڀني ڪوششن جي حمايت ڪرڻ جو پڻ عزم ڪيو.
فورم عزم ڪيو ته پاڪ فوج پاڪستاني عوام جي ڀرپور حمايت سان پاڪستان جي دشمنن جي سمورن ناپاڪ ارادن کي ناڪام بڻائيندي.
