پ پ چيئرمين ۽ پرڏيهي وزير بلاول ڀٽو زرداري چيو آهي ته پي ٽي آءِ وٽ آخري موقعو آهي دهشتگردي جي واقعن جي مذمت ڪري، جناح هائوس حملي تي معافي وٺڻ تائين عمران خان سان ڪي به ڳالهيون نه ٿينديون.
پارليامينٽ جي گڏيل اجلاس کي خطاب ڪندي پ پ چيئرمين بلاول ڀٽو زرداري چيو ته پهريون ڀيرو ڪمانڊر هائوس ۾ ڀڃ ڊاهه ٿي، پشاور ۾ ريڊيو پاڪستان ۽ پبلڪ ٽرانسپورٽ کي ساڙيو ويو، عدليا کي دهشتگردي جي مذمت ڪرڻ گهرجي.
هن چيو ته عمران خان کي فيصلو ڪرڻو پوندو ته تحريڪ انصاف سياسي پارٽي يا دهشتگرد تنظيم آهي، جيڪڏهن عمران خان حملن جي مذمت يا حملن کان لاتعلقي جو اعلان نه ٿو ڪري ته ساڻس دهشتگرد تنظيم جهڙو ورتاءُ ڪيو ويندو.
بلاول ڀٽو زرداري چيو ته پي ٽي آءِ وٽ آخري موقعو آهي دهشتگردي جي واقعن جي مذمت ڪري، جناح هائوس حملي تي معافي وٺڻ تائين عمران خان سان ڪي به ڳالهيون نه ٿينديون.
پرڏيهي وزير چيو ته هيءَ واحد سياسي پارٽي آهي جنهن هر اداري تي حملو ڪيو، حڪومت ۾ اچي سليڪٽيڊ راڄ قائم ڪيو.
بلاول ڀٽو زرادري چيو ته هو اصولي طور اليڪشڻ جي خلاف ناهن ۽ سمجهن ٿا ته ان جو مقابلو نيب پر اليڪشن ذريعي ٿيندو.
پرڏيهي وزير چيو ته هنن آمرن جو مقابلو ڪيو، هو پارليامينٽ بچائيندا ۽ فتني جو بندو بست ڪيو ويندو.
بلاول ڀٽو زرداري چيو ته ملڪ ۾ عدم استحڪام جو سبب پارليامينٽ نه پر ان جي ڀر ۾ قائم اداري سبب آهي.
پ پ چيئرمين چيو ته سياسي بحران مان نڪرڻ لاءِ جيڪو به ڪرڻو پيو هو ان لاءِ تيار آهن.
بلاول ڀٽو زرداري چيو ته عمران خان جي گرفتاريءَ تي پي ٽي آءِ دهشتگرد تنظيم بڻجي.
