سپريم ڪورٽ جي چيف جسٽس عمر عطا بنديال پي ٽي آءِ چيئرمين عمران خان کي “ توهان کي ڏسي خوشي ٿي آهي” بابت چيل جملي تي ٿيندڙ تنقيد بعد وضاحت ڪري ڇڏي آهي، چيف جسٽس جو چوڻ آهي ته ادب ۽ احترام کانسواءِ ڪو مذو ناهي، توهان کي ڏسي خوشي ٿي آهي جو جملو هو هر ڪنهن کي ڏسي چوندو آهي، عمران خان بابت جملي جو غلط مطلب ڪڍيو ويو آهي.
سپريم ڪورٽ جي چيف جسٽس عمر عطا بنديال پي ٽي آءِ چيئرمين عمران خان کي “ توهان کي ڏسي خوشي ٿي آهي” بابت چيل جملي تي ٿيندڙ تنقيد بعد وضاحت ڪري ڇڏي آهي.
سپريم ڪورٽ ۾ هڪ ڪيس جي ٻڌڻي دوران چيف جسٽس ، عمر عطا بنديال ، وڪيل اصغر سبزواري کي چيو ته اوهان کي ڏسي خوشي ٿي آهي، ڪافي وقت کانپوءِ توهان عدالت ۾ آيا آهيو.
چيف جسٽس چيو ته اوهان کي ڏسي خوشي ٿي آهي هو هر ڪنهن کي چوندو آهي، گڊ ٽو سي يو چوڻ تي کيس تنقيد جو نشانو بڻايو ويو، هو هر ڪنهن کي عزت ڏيندو آهي.
چيف جسٽس عمر عطا بنديال پنهنجي رمارڪس ۾ چيو ته ادب ۽ اخلاق هر ڪنهن لاءِ ضروري آهي، ادب ۽ احترام کانسواءِ ڪو مزو ناهي.
