اسلام آباد هاءِ ڪورٽ تحريڪ انصاف چيئرمين عمران خان جي هڪ سئو کان وڌيڪ ڪيسز ۾ گرفتاري روڪڻ بابت درخواست تي کيس وڌيڪ ڪنهن ڪيس ۾ گرفتار نه ڪرڻ بابت حڪم ۾ 31 مئي تائين واڌ ڪري ڇڏي آهي.
اسلام آباد هاءِ ڪورٽ ۾ تحريڪ انصاف چيئرمين عمران خان جي هڪ سئو کان وڌيڪ ڪيسز ۾ گرفتاري روڪڻ بابت درخواست جي ٻڌڻي ٿي.
ٻڌڻي دوران ايڊيشنل اٽارني جنرل، ايڊووڪيٽ جنرل ۽ ٻيا عدالت ۾ پيش ٿيا.
وفاق پاران ڪيسن جا تفصيل فراهم ڪرڻ لاءِ مهلت جي درخواست ڪئي وئي.
عدالت درخواست منظوري ڪندي ٻڌڻي 31 مئي تائين ملتوي ڪري ڇڏي.
عدالت عمران خان کي وڌيڪ ڪنهن ۾ ڪيس ۾ گرفتاري کان روڪڻ جي حڪم ۾ 31 مئي تائين واڌ به ڪري ڇڏي.
