بنون ۾ سڪيورٽي فورسز جي آپريشن دوران ٻه دهشتگرد مارجي ويا، جڏهن ته وڏي مقدار ۾ هٿيار ۽ بارودي مواد هٿ ڪيو ويو.
آءِ ايس پي آر جو چوڻ آهي ته بنون جي علائقي جاني خيل ۾ انٽيليجنس بيسڊ آپريشن ڪيو ويو، سڪيورٽي فورسز ۽ دهشتگردن وچ ۾ فائرنگ جي ڏي وٺ دوران ٻه دهشتگرد مارجي ويا.
آءِ ايس پي آر موجب آپريشن دوران مارجي ويل دهشتگرد سڪيورٽي فورسز ۽ معصوم شهرين جي خلاف دهشتگردي جي ڪارروائين ۾ ملوث هئا، مارجي ويل دهشتگردن وٽان وڏي مقدار ۾ هٿيار ۽ بارودي مواد هٿ ڪيو ويو آهي.
آءِ ايس پي آر جو چوڻ آهي ته علائقي ۾ مقامي ماڻهن فورسز جي آپريشن جي واکاڻ ڪئي ۽ دهشتگردي جي خاتمي لاءِ مڪمل سهڪار جو يقين ڏياريو.
