حڪومت جون جي پهرين هفتي ۾ نئين مالي سال جي بجيٽ پيش ڪرڻ جو فيصلو ڪيو آهي.
سينيٽ جي ناڻي بابت اسٽيڊنگ ڪميٽيءَ کي بريفنگ ڏيندي ناڻي واري مملڪتي وزير عائشه غوث پاشا ٻڌايو ته بجيٽ کي قطعي شڪل ڏني پئي وڃي، سڌيءَ ريت ٽيڪس لڳائڻ سان عام ماڻهو تي بار گهٽ پوندو.
هن چيو ته ايندڙ بجيٽ ۾ سڌيءَ ريت ٽيڪس لڳائي ويندي، پاڪستان ۾ ٽيڪس جي ڊي پي ريشو انتهائي گهٽ آهي.
عائشه غوث پاشا چيو ته ٽيڪسن ۾ ڇوٽ ڏيڻ سان معيشت تي ناڪاري اثر پون ٿا، کين ٽيڪس ٽو جي ڊي پي جي شرح ۾ اضافو ڪرڻو پوندو، ٽيڪس ٽو جي ڊي پي ڊبل ڊجٽ ٿيڻ تائين صورتحال ڏکي رهندي.
مملڪتي وزير چيو ته حڪومت آءِ ايم ايف سان رابطي ۾ آهي، سملڪنگ تي ضابطو آڻي ٽيڪس نيٽ ۾ اضافو ڪيو ويندو، بجيٽ خساري تي ضابطو آڻڻ ئي عوام لاءِ وڏو رليف هوندو.
عائشه غوث پاشا چيو ته ڏکين معاشي حالتن ۾ به عوام کي رليف ڏيڻ جي ڪوشش ڪئي ويندي.
