پي ٽي آءِ سنڌ جي صدر علي زيدي کي ڪراچي کان جيڪب آباد جيل ۽ فرودس شميم نقوي کي سکر جيل روانو ڪيو ويو آهي.
سنڌ جي گھرو کاتي ٻه ڏينهن اڳ علي زيدي جي گهر کي سب جيل قرار ڏيندي کيس گهر منتقل ڪيو هو.
گھرو کاتي طرفان سب جيل جو حڪمنامو رد ڪندي ئي پوليس علي زيدي کي سندس گهر کان وٺي جيڪب آباد لاءِ رواني ٿي ويئي.
هوڏانهن ڪراچي سينٽرل جيل مان پي ٽي آءِ اڳواڻ فرودس شميم نقوي کي به سخت سڪيورٽي ۾ سکر جيل موڪليو ويو.
سينٽرل جيل ٻاهران فردوس شميم نقوي جي گهرواري ۽ پٽ ميڊيا سان ڳالهائيندي چيو ته فردوس شميم نقوي ڪينسر جو مريض آهي ۽ هو پرهيزي کاڌو کائي ٿو.
فردوس شميم نقوي جي گهرواري جو چوڻ هو ته سندس مڙس جي طبيعت صحيح ناهي، هوءِ وڏي وزير کي درخواست ڪري ٿي ته هن طرف ڌيان ڏنو وڃي ۽ فرودس شميم کي ڪراچي ۾ ئي رکيو وڃي.
