ڀان سيد آباد ويجهو قتل ٿي ويل پرائمري اسڪول ٽيچر نوين فاطمه جي قتل جو ڪيس داخل ڪري پوليس سندس ڀاءُ کي گرفتار ڪري ورتو آهي.
مقتولا جي مڙس منصور سومرو جي فرياد تي ڀان سيد آباد ٿاڻي تي ناري نوين فاطمه جي قتل جو ڪيس داخل ڪيو ويو.
ايف آءِ آر ۾ مقتولا جي پيءُ محمد علي مهر ۽ سندس ڀاءُ محسن مهر کي نامزد ڪيو ويو آهي.
مقتولا جي مڙس منصور علي سومرو ايف آءِ آر ۾ موقف اختيار ڪيو آهي ته 20 سيپٽمبر 2021 تي هن ڪراچي جي عدالت ۾ نورين فاطمه مهر سان نڪاح ڪيو هو.
منصور علي سومور چيو ته سندس گهر واري فون تي ٻڌائيندي هئي ته سندس جان کي خطرو آهي، نورين فاطمه کي والد ۽ ڀاءُ قتل ڪيو آهي.
پوليس ڳوٺ گلشير مهر ۾ ڪارروائي ڪري مقتولا جي ڀاءُ محسن مهر کي گرفتار ڪري ورتو آهي.
پوليس جو چوڻ آهي ته واقعي جو ڪيس داخل ڪري هڪ جوابدار کي گرفتار ڪري ورتو آهي، ٻين جوابدارن کي به جلد گرفتار ڪيو ويندو.
