سنڌ ۾ 2023-2024ع بجيٽ جون تياريون جاري آهن، ناڻي کاتي ۽ لاڳاپيل ادارن جي عملدارن جون موڪلون بند ڪيون ويون آهن.
صوبائي ناڻي کاتي پنهنجن سمورن ملازمن جون هفتي وار موڪلون به رد ڪري ڇڏيون آهن.
ناڻي کاتي جي ملازمن کي ڇنڇر ۽ آچر ڏينهن به ڊيوٽي تي موجود رهڻ جو حڪم ڏنو ويو آهي.
ناڻي کاتي جي ذريعن جو چوڻ آهي ته ٻوڏ ۽ برسات جي تباهي وارن علائقن جي بحالي لاءِ 160 ارب رپيا مختص ڪرڻ جي تجويز سامهون آئي آهي، سنڌ حڪومت پاران وفاقي حڪومت کي وفاقي بجيٽ ۾ 280 ارب رپيا مختص ڪرڻ جي تجويز پڻ ڏني وئي آهي.
ذريعن موجب ايشين ڊولپمينٽ بينڪ صوبي جي اسڪولن جي بحاليءَ لاءِ 80 ارب رپيا قرض ڏيڻ لاءِ تيار ٿي وئي آهي.
ذريعن موجب گذريل سال جي ڀيٽ ۾ هن سال ترقياتي ڪمن جي بجيٽ ۾ واڌ جو امڪان آهي.
