پاڪستان ۽ ايران ۾ نئين دور جي شروعات ٿي وئي وزيراعظم شهباز شريف ۽ ايراني صدر ابراهيم رئيسي پاڪ ايران سرحد تي مختلف منصوبن جو افتتاح ڪري ڇڏيو، نئين ٽرانسميشن لائن سان 100 ميگا واٽ بجلي ايران مان گهرائي ويندي، ٽن پڙين تي ٻڌل مند مارڪيٽ سان ٻنهي ملڪن ۾ روزگار جا موقعا پيدا ٿيندا.
وزيراعظم شهباز شريف ۽ ايراني صدر ابراهيم رئيسي مند پشين بارڊر تي مارڪيٽ جو افتتاح ڪري ڇڏيو.
ٻنهي اڳواڻن پاڪ ايران سرحد تي واپار کي هٿي وٺرائڻ لاءِ بارڊر مارڪيٽ جو افتتاح ڪيو جنهن سان عوام لاءِ روزگار جا موقعا پيدا ٿيندا ۽ منصوبي سان سمگلنگ کي روڪڻ مدد ملندي.
وزيراعظم هائوس موجب، وزيراعظم شهباز شريف ۽ ايران جي صدر ابراهيم رئيسي هڪ سئو ميگاواٽ بجلي ٽرانسميشن لائن جو افتتاح به ڪري ڇڏيو، ٽرانسميشن لائن شهباز شريف جي ذاتي دلچسپي سبب رڪارڊ عرصي ۾ تعمير ٿي.
وزيراعظم شهباز شريف ۽ ايران جي صدر ابراهيم رئيسي وچ ۾ غير رسمي ملاقات به ٿي.
