پاڪستان جي اهم شخصيتن ملڪ جي موجوده صورتحال بابت چيو آهي ته پاڪستان پنهنجي ازلي دشمن خلاف 3 جنگيون وڙهيون، دشمن جي خواهش هئي ته جناح هائوس تي حملو ڪري پنهنجو جهنڊو ڦڙڪائي ۽ پنهنجي فتح جو اعلان ڪري پر دشمن ائين نه ڪري سگهيو، افسوسناڪ ڳالهه آهي ته اهو سندن اندروني دشمن ڪري ڏيکاريو، پاڪ فوج پاڪستان جي جان ۽ کين فوج تي فخر آهي، هو گهرن ۾ سک سان سمجهن ٿا ڇوته پاڪ فوج جا جوان سرحدن کي محفوظ بڻائيندا آهن.
ناليواري اداڪار جاويد شيخ جاري ڪيل پيغام ۾ چيو ته پاڪ فوج پاڪستان جي جان آهي ۽ هو سڀ پنهنجي فوج تي فخر ڪندا آهن، هو گهرن ۾ سک سان سمجهن ٿا ڇوته پاڪ فوج جا جوان سرحدن کي محفوظ بڻائيندا آهن.
اداڪار همايون سعيد پنهنجي پيغام ۾ چيو ته پاڪ فوج سندن فخر آهي ۽ هو پاڪ فوج سان گڏ بيٺل آهن.
ڪمرشل پائليٽ فاطمه جو چوڻ آهي ته احتجاج کان ڪنهن ناهي روڪيو پر ملڪيتن کي نقصان پهچائڻ، انفرا اسٽرڪچر کي تباهه ڪرڻ بلڪل غلط آهي.
اينڪرپرسن مهه جبين عابد چيو ته چيو ته ڪنهن به ناڪاري پروپيگنڊا يا ڪنهن به سازش جو حصو نه ٿيو، پاڪ فوج ۽ سندس قيادت خلاف جيڪا واويلا ڪئي پئي وڃي هو ان جي ڀرپور مذمت ڪن ٿا.
صحافي ساجد خان چيو ته پاڪستان پنهنجي ازلي دشمن خلاف 3 جنگيون وڙهيون، دشمن جي خواهش هئي ته جناح هائوس تي حملو ڪري پنهنجو جهنڊو ڦڙڪائي ۽ پنهنجي فتح جو اعلان ڪري پر دشمن ائين نه ڪري سگهيو، افسوسناڪ ڳالهه آهي ته اهو سندن اندروني دشمن ڪري ڏيکاريو.
