اسلام آباد هاءِ ڪورٽ تحريڪ انصاف جي وائيس چيئرمين شاهه محمود قريشي کي آزاد ڪرڻ جو حڪم ڏئي ڇڏيو.
اسلام آباد هاءِ ڪورٽ ۾ تحريڪ انصاف جي وائيس چيئرمين شاهه محمود قريشي ٿري ايم پي او تحت گرفتاري خلاف درخواست جي ٻڌڻي ٿي.
جسٽس ميان گل حسن اورنگزيب، تحريڪ انصاف جي وائيس چيئرمين شاهه محمود قريشي جي ٿري ايم پي او تحت گرفتاري کي ڪالعدم قرار ڏئي ڇڏيو آهي.
جسٽس ميان گل حسن اورنگزيب، پي ٽي آءِ وائيس چيئرمين شاهه محمود قريشي کي آزاد ڪرڻ جو حڪم ڏئي ڇڏيو.
عمران خان جي گرفتاريءَ بعد پي ٽي آءِ جي وائيس چيئرمين شاهه محمود قريشي کي ٿري ايم پي او تحت گرفتار ڪيو ويو هو.
اسلام آباد هاءِ ڪورٽ شهريار آفريدي جي گهرواريءَ کي به آزاد ڪرڻ جو حڪم ڏئي ڇڏيو.
اسلام آباد هاءِ ڪورٽ ۾ پي ٽي آءِ اڳواڻ شهريار آفريدي جي گهرواريءَ جي گرفتاري خلاف درخواست جي ٻڌڻي جسٽس ارباب محمد طاهر ڪئي.
ٻڌڻي دوران عدالت آءِ جي اسلام آباد کان پڇاڻو ڪندي چيو ته اوهان جي حدن ۾ ڇا ٿي رهيو آهي؟، اوهان قانون کان واقف آهيو يا ناهيو؟ جنهن تي آءِ جي اسلام آباد چيو ته عورت ۽ سندس مڙس جي ايڇ ڪيو حملي جي رٿابندي ۾ شامل هئا.
جسٽس ارباب طاهر چيو ته جيڪو ڪجهه اوهان ڏيکاري رهيا آهيو ان ۾ عورت خلاف ڪجهه ناهي، عدالت مان آزادي بعد ڪنهن کي گرفتار ڪيو ويو ته وڏو مسئلو ٿيندو.
عدالت پي ٽي آءِ اڳواڻ شهريار آفريدي جي گهرواريءَ کي آزاد ڪرڻ جو حڪم ڏئي ڇڏيو
