سنڌ جي مختلف شهرن ۾ پاڪ فوج جي حمايت ۾ ريليون ڪڍيو ويو

سنڌ جي مختلف شهرن ۾ پاڪ فوج جي حمايت ۾ ريليون ڪڍي پاڪ فوج جي حق ۾ نعريبازي ڪئي وئي آهي.
ڪشمور ۾ پاڪ فوج جي حمايت ۾ پ پ ايم پي اي حاجي عبدالرئوف کوسو ۽ سردار علي جان مزاري جي اڳواڻي ۾ مزاري هائوس کان پريس ڪلب تائين ريلي ڪڍي وئي.
ٺري ميرواهه ۾ پاڪ فوج جي حمايت ۾ سول سوسائيٽي پاران مجيب رحمان شر، مهتاب علي شر ۽ ٻين جي اڳواڻي ۾ ميرواهه ناڪا چوڪ کان پريس ڪلب تائين ريلي ڪڍي پاڪ فوج زنده آباد جا نعرا هنيا ويا.
شادي لارج ۾ حميد گل، احسان ڪپري، جنيد ڪشميري، پپو ڪشميري ۽ ٻين جي اڳواڻي ۾ پاڪ فوج جي حمايت ۾ انڊس اسپتال کان پريس ڪلب تائين ريلي ڪڍي وئي.
ان موقعي تي اڳواڻن چيو ته ملڪ ۾ امن امان جي بحالي ۽ دهشتگردي جي خاتمي لاءِ پاڪ فوج جي جوانن پنهنجون جانيون قربان ڪيون آهن.
هنن چيو ته هڪ جماعت پاران سوچيل سمجهيل هڪ سازش تحت پاڪ فوج کي بدنام ڪيو پيو وڃي، جيڪا سازش ڪڏهن به ڪامياب نه ٿيندي، ملڪ جو عوام پاڪ فوج سان گڏ آهي.
اڳواڻن چيو ته هو پاڪ فوج خلاف واويلا ڪندڙن کي ٻڌائڻ چاهن ٿا ته قوم پاڪ فوج جا گڏ بيٺل آهي.
هنن چيو ته قومي ادارن تي حملو ڪندڙن خلاف ڪارروائي ڪئي وڃي.
سندن چوڻ هو ته سياسي يا غير سياسي قوتون جيڪي به پاڪ فوج ۽ ادارن کي ڪمزور ڪن ٿيون هو ان عمل جي مذمت ڪن ٿا