آمريڪي ڪانگريس جي ميمبرن پاڪستان جي موجوده سياسي صورتحال تي ڳڻتي جو اظهار ڪيو آهي.
آمريڪا جي 66 ڪانگريس ميمبرن آمريڪي پرڏيهي وزير انٽوني بلنڪن کي خط لکي، خط موڪلن ۾ پاڪ پيڪ تنظيم ڪردار ادا ڪيو.
خط ۾ ڪانگريس ميمبرن پاڪستان جي موجوده سياسي صورتحال، سياسي گرفتارين ۽ ماڻهو مارجڻ تي ڳڻتي جو اظهار ڪيو.
آمريڪي ڪانگريس ميمبرن طرفان لکيل خط ۾ چيو ويو ته تشدد ۽ سياسي ڇڪتاڻ پاڪستان ۾ خراب صورتحال پيدا ڪري سگهي ٿي، انٽوني بلنڪن پاڪستان ۾ جمهوري ادارن جي زوال کي روڪڻ لاءِ پنهنجا سفارتي ذريعا استعمال ڪري.
خط ۾ چيو ويو ته پاڪستان ۾ جمهوريت جي حمايت آمريڪا جي قومي مفاد ۾ آهي، پاڪستاني حڪومت تي جمهوريت، اظهار جي آزادي ۽ انساني حقن لاءِ زرو ڀريو وڃي.
لکيل خط ۾ چيو ويو ته پاڪستان ۾ جمهوريت قدرن ۽ انساني حقن جو احترام يقيني بڻائڻ لاءِ سفارتي اختيار استعمال ڪيا وڃن ۽ اجتماع طرفان ڀڃڪڙين جي جاچ ڪرائي وڃي.
خط ۾ چيو ويو ته مظاهرو ڪندڙ پنهنجا مطالبا پرامن ۽ تشدد کانسواءِ آڏو رکن، سياسي مخالفن خلاف ڪريڪ ڊائون تي ڳڻتي آهي.
آمريڪي ڪانگريس ميمبرن چيو ته سياسي ڇڪتاڻ ۽ تشدد پاڪستان ۾ سڪيورٽي صورتحال کي خراب ڪري سگهن ٿا.
ڪانگريس ميمبرن پاڪستان ۾ ٻوڏ بعد انساني امداد فراهم ڪرڻ واري آمريڪي ڪوششن جي به واکاڻ ڪئي
