بلين ٽري سونامي منصوبي جي سربراهه ملڪ امين اسلم به تحريڪ انصاف ڇڏڻ جو اعلان ڪري ڇڏيو، سندس چوڻ آهي ته پارٽي ملڪ دشمن ايجنڊا تي هلي رهي آهي، هو ان ايجنڊا سان گڏ نه ٿو هلي سگهي.
پي ٽي آءِ جون وڪيٽون ڪرڻ جو سلسلو جاري آهي، ملڪ امين اسلم به پي ٽي آءِ کي الوداع ڪري ڇڏيو.
لاهور ۾ پريس ڪانفرنس ڪندي ملڪ امين اسلم چيو ته هڪ وقت هڪ ايجنڊا پارٽي کي هاءِ جيڪ ڪيو آهي، ان تي پارٽيءَ کي جواب ڏيڻو پوندو.
هن چيو ته ٽي وي تي سڀ ڪجهه ڏسي کانئس رڙيون نڪري ويو، هاڻي هو ان ايجنڊا سان گڏ وڌيڪ نٿو هلي سگهي، اها ايجنڊا ٺاهيندڙ ملڪ جا خيرخواهه ناهن.
ملڪ امين اسلم چيو ته جتي جتي جلوس ڪڍيا ويا، اتي ٽارگيٽ فوجي هنڌ هئا، اها ايجنڊا دشمنن جا خواب پورا ڪري رهي آهي، 9 مئي تي پارٽي ڪارڪنن قانون هٿ ۾ کنيو، پارٽي ليڊر کي ان جي انڪوائري ڪرائڻ گهرجي ها.
هن چيو ته پارٽي ملڪ دشمن ايجنڊا تي هلي رهي آهي، پي ٽي آءِ جڊيشل ڪميشن جي مطالبي بدران پنهنجي پارٽي ۾ انويسٽيگشن ڪري.
ملڪ امين اسلم چيو ته هو تحريڪ انصاف ڇڏي رهيو آهي پر ٻي ڪنهن به پارٽيءَ ۾ نه ٿو وڃي
