صدر عارف علويءَ چيو آهي ته عمران خان کي 9 مئي واقعن جي کليل نموني مذمت ڪرڻ گهرجي.
خانگي ٽي وي چئنل جي پروگرام ۾ ڳالهائيندي صدر چيو ته 9 مئي واقعن جي نه رڳو مذمت پر ملوث ماڻهن خلاف ڪارروائي به ٿيڻ گهرجي.
هن چيو ته ڪارروائي دوران انساني حقن جو خيال رکيو وڃي، مار ڪُٽ نه ٿيڻ گهرجي.
صدر چيو ته عمران خان آرمي چيف جنرل عاصم منير جي مقرريءَ جي مخالفت نه ڪئي هئي، پي ٽي آءِ چيئرمين چيو هو ته جنرل باجوه کي چئو ته جنهن کي به آرمي چيف بڻائي هو قبول ڪندو.
