ڪنڌڪوٽ ڀرسان پوليس مقابلي دوران هڪ ڏوهاريءَ کي مارڻ جي دعويٰ ڪئي آهي.
پوليس جو چوڻ آهي ته حاسو واهه وٽ انڊس هاءِ وي تان هٿياربندن ٽرڪ کي روڪي ڊرائيور کي اغوا ڪرڻ جي ڪوشش ڪئي، پوليس موقعي تي پهتي ته جوابدارن فائرنگ ڪئي.
پوليس موجب، اهلڪار جي جوابي فائرنگ ۾ هڪ ڏوهاري مارجي ويو جڏهن ته سندس ٽي ساٿي اونڌاهي جو فائدو وٺي فرار ٿي ويا.
پوليس موجب مارجي ويل ڏوهاري جو لاش سرڪاري اسپتال منتقل ڪيو ويو آهي.
رابطو ڪرڻ تي ايس ايس پي ڪشمور عرفان سمون ٻڌايو ته مارجي ويل ڏوھاري 4 ڏينھن اڳ ساٿين جي مدد سان تنگواڻي ٿاڻي جي حد ۾ پوليس مٿان حملو ڪيو هو جنهن ۾ هڪ اهلڪار علي محمد ملڪ شهيد ٿي ويو هو.
ايس ايس پي موجب، فرار ڏوهارين جي گرفتاري لاءِ مختلف هنڌن تي ناڪابندي ڪئي وئي آهي.
