لاهور جي عدالت جناح هائوس حملي ڪيس سميت ٽن ڪيسن ۾ تحريڪ انصاف جي چيئرمين عمران خان جي عبوري ضمانت منظور ڪندي کيس جاچ ۾ شامل ٿيڻ جي هدايت ڪري ڇڏي آهي.
لاهور جي دهشتگردي ٽوڙ عدالت ۾ جناح هائوس حملي ڪيس ۾ عمران خان جي عبوري ضمانتن جي درخواست جي ٻڌڻي ٿي.
ٻڌڻي دوران تحريڪ انصاف چيئرمين عمران خان ۽ ٻيا عدالت ۾ پيش ٿيا.
عمران خان جي وڪيل سلمان صفدر موقف اختيار ڪيو ته جڏهن اهي افسوسناڪ واقعا ٿيا ته درخواست ڏيندڙ گرفتار هو، 10 مئي تي عمران خان نيب جي تحويل ۾ هو، جيئن ئي خبر ته واقعا ٿيا آهن ته عمران خان مذمت ڪئي.
عدالت عمران خان جي ٽن ڪيسن ۾ 2 جون تائين عبوري ضمانتون منظور ڪندي کيس جاچ ۾ شامل ٿيڻ جو حڪم ڏئي ڇڏيو
عدالت چيو ته عمران خان هڪ هڪ لک رپيا جا ضمانتي ڪاغذ جمع ڪرائي ۽ جاچ ۾ رڪاوٽ نه وجهي جنهن تي عمران خان چيو ته اوهان فڪر نه ڪريو.
هوڏانهن دهشتگردي ٽوڙ عدالت زمان پارڪ ڀڃڊاهه ۽ ظل شاهه قتل ڪيس ۾ عمران خان جي عبوري ضمانتن جي درخواست تي فيصلو محفوظ ڪري ورتو جيڪو 2 جون تي ٻڌايو ويندو.
