سنڌ حڪومت ميٽرڪ جي امتحانن دوران ڪاپيءَ جي مسئلي تي بورڊز چيئرمينز تي ڪاوڙ جو اظهار ڪندي شاگردياڻين جي امتحاني مرڪز ۾ عورتن جون ٽيمون موڪلڻ جو حڪم ڏئي ڇڏيو، اسماعيل راهو جو چوڻ آهي ته امتحاني مرڪزن ۾ ڪاپيءَ جون شڪايتون ملي رهيون آهن بورڊز چيئرمينز ۽ ڪنٽرولرز ڪاپي ۾ ملوث ماڻهن خلاف ايڪشن وٺن، سمورن امتحامي مرڪزن ۾ ويجيلنس ٽيمن ۾ وڌيڪ اضافو ڪيو وڃي.
سنڌ حڪومت ميٽرڪ جي امتحانن دوران ڪاپيءَ جي مسئلي تي بورڊز چيئرمينز تي ڪاوڙ جو اظهار ڪندي شاگردياڻين جي امتحاني مرڪز ۾ عورتن جون ٽيمون موڪلڻ جو حڪم ڏئي ڇڏيو.
حيدرآباد ۾ موبائل فون تي ٽڪ ٽاڪ ٺاهنيدڙ شاگردياڻين خلاف ڪارروائي ۽ فيصل ڪرڻ جو به فيصلو ڪيو ويو آهي.
صوبائي وزير اسماعيل راهو ڪراچي سميت سمورن ڊويزنن جي چيئرمينز ۽ ڪنٽرولز کي ميٽرڪ جي امتحانن ۾ ڪاپي تي ضابطو آڻڻ جي هدايت ڪئي.
صوبائي وزير اسماعيل راهو چيو ته امتحاني مرڪزن ۾ ڪاپيءَ جون شڪايتون ملي رهيون آهن بورڊز چيئرمينز ۽ ڪنٽرولرز ڪاپي ۾ ملوث ماڻهن خلاف ايڪشن وٺن، سمورن امتحامي مرڪزن ۾ ويجيلنس ٽيمن ۾ وڌيڪ اضافو ڪيو وڃي.
هن چيو ته شاگردياڻين جي امتحاني مرڪزن ۾ عورتن جون ٽيمون اماڻيون وڃن ۽ جن شاگردن وٽان امتحان دوران موبائل فون هٿ آيون آهن انهن کي فيل ڪيو ويندو.
صوبائي وزير اسماعيل راهو چيو ته شاگردن کي امتحاني مرڪزن ۾ موبائل فون جي استعمال ڪرڻ جي اجازت ڏيندڙ استادن خلاف به ڪارروائي ڪئي ويندي، امتحاني مرڪزن تي قائدن ۽ ضابطن تي سختي سان عمل ڪيو وڃي.
