پيپلز پارٽي جي مرڪزي اڳواڻ ۽ سينيٽر سسئي پليجو چيو آهي ته گل حسن ڪلمتي جي لاڏاڻي تي دلي ڏک ٿيو آهي، هو ڪراچي جي بنيادي تاريخ جي سڃاڻپ هو، گل حسن ڪلمتي هڪ متحرڪ تاريخدان هو سندس وٽان ڪراچيءَ جي قديمي بنيادي تاريخ ملي، گل حسن ڪلمتي جي لاڏاڻي تي هڪ خال پيدا ٿيو آهي، سندس خدمتون هميشه ياد رهنديون.
پيپلز پارٽي جي مرڪزي اڳواڻ ۽ سينيٽر سسئي پليجو ناليواري اديب ۽ محقق گل حسن ڪلمتي جي لاڏاڻي تي سندس ڳوٺ ملان عرضي گڏاپ ٽائون پهچي علي نواز ڪلمتي ۽ ٻين سان تعزيت ڪئي.
ان موقعي تي يعقوب پليجو، سڪندر چانڊيو، اياز سومرو، تنوير حيدر پليجو، مراد ناهيو، عرس ملاح ۽ ٻيا پڻ موجود هئا.
پ پ سينيٽر سسئي پليجو چيو ته گل حسن ڪلمتي جي لاڏاڻي تي دلي ڏک ٿيو آهي، هو ڪراچي جي بنيادي تاريخ جي سڃاڻپ هو.
سندس چوڻ هو ته گل حسن ڪلمتي هڪ متحرڪ تاريخدان هو سندس وٽان ڪراچيءَ جي قديمي بنيادي تاريخ ملي.
پيپلز پارٽي جي مرڪزي اڳواڻ ۽ سينيٽر سسئي پليجو چيو ته گل حسن ڪلمتي ڪتابن جو ليکڪ، محقق ۽ اديب هو، سندس لاڏاڻي تي هڪ خال پيدا ٿيو آهي تاريخ پنهنجي عظيم تاريخدان کي ياد رکندي، گل حسن ڪلمتي جو ڇڏيل علمي مواد نوجوان نسل جي ڪم ايندو رهندو.
