پاڪستان ۽ آءِ ايم ايف ۾ معاھدو نھ ٿيڻ جا اھم سبب سامھون اچي ويا.
ذريعن موجب پاڪستان ۽ آءِ ايم ايف وچ ۾ دير جي شڪار معاھدي جو سبب عالمي ۽ پاڪستان جي سياسي صورتحال آھي.
ذريعن موجب پاڪستان کي 1998جھيڙي دٻاءَ جو منھن ڏسڻو پئجي رھيو آھي، 1998 ۾ ائٽمي ڌماڪن بعد پاڪستان کي اھڙي ئي دباءَ جو منھن ڏسڻو پئجي رھيو آھي.
ذريعن جو چوڻ آھي تھ اھڙن مطالبن تي عملدرآمد جي اميد ڪئي پئي وڃي جيڪي ڳالھين ۾ نھ پيا ڪيا وڃن، اھي مطالبا امريڪا جي طرفان مختلف سطح تي ملاقاتن ۾ ڪيا پيا وڃن.
ذريعن موجب، ھاڻي چين ۽ پاڪستان جي وچ ۾ وڌندڙ معاشي لاڳاپا بھ معاھدو نھ ٿيڻ جو سبب بڻجي سامھون آيا آھن، آءِ ايم ايف ۽ پاڪستاني اختيارين ۾ معاھدو نھ ٿيڻ جو ٻيو ڪارن اعتماد جو فقدان آھي، آءِ ايم ايف سمجھي ٿو تھ قرض جاري ڪيو تھ حڪومت ان کي اليڪشن ۾ استعمال ڪندي.
ذريعن جو چوڻ آھي تھ آءِ ايم ايف پاڪستان کان ضمانت چاھي ٿو تھ قرض جي رقم سياسي فائدي جي لاءِ استعمال نھ ٿيندي، آءِ ايم ايف امڪاني نگران حڪومت جي معاھدي تي پابند رھڻ لاءِ بھ ضمانت گھري آھي.
ذريعن جو چوڻ آھي تھ پاڪستان جي سياسي صورتحال بھ اسٽاف ليول معاھدي ۾ ھڪ رڪاوٽ آھي
