آءِ سي سي ڪرڪيٽ کي اولمپڪس ۾ شامل ڪرڻ لاءِ ڪوششون تيز ڪري ڇڏيون آھن.
آءِ سي سي جي چيئرمين گريگ بار ڪلي جو چوڻ آھي تھ دنيا ۾ ڪرڪيٽ جا ھڪ ارب کان وڌيڪ مداح آھن، 90سيڪڙو شوقين چاھين ٿا تھ ڪرڪيٽ کي اولمپڪس ۾ شامل ڪيو وڃي.
آءِ سي سي جي موقف موجب انٽرنيشنل اولمپڪس ڪميٽي ڪرڪيٽ کي اولمپڪس ۾ شامل ڪري انڊين مارڪيٽ کان وڏي ڪمائي ڪري سگھي ٿي، آءِ ٽي سي انڊيا کان ميڊيا رائٽس جي مد ۾ 130 کان 260 ملين ڊالر ڪمائي سگھي ٿي.
آءِ سي سي جو چوڻ آھي تھ پيرس 2024ع اولمپڪس لاءِ آءِ سي سي جئي شاھھ جي سربراھي ۾ ڪميٽي ٺاھي ڇڏي آھي، آءِ سي سي تجويز ڏني آھي تھ اولمپڪس ۾ مردن ۽ عورتن جي 6-6 ٽيمون ٽي ٽوئنٽي فارميٽ تي کيڏنديون، ڪرڪيٽ کي شامل ڪرڻ جو حتمي فيصلو ممبئي ۾ آءِ او سي جي آڪٽوبر ۾ ٿيندڙ گڏجاڻي ۾ ڪيو ويندو.
لاس اينجلس جي اڳوڻي ميئر ۽ ڀارت ۾ اميريڪي سفير ايرڪ گارسيٽي ڪرڪيٽ کي اولمپڪس ۾ شامل ڪرڻ جي خواھش جو اظھار ڪيو ھو.
امريڪي سفير ايرڪ سيٽي جو چوڻ ھو تھ امريڪا ڪرڪيٽ کي لاس اينجلس اولمپڪس ۾ شامل ڪرڻ جو خواھشمند آھي
