عمران خان پاران پوليس ۽ انتظاميا کي زمان پارڪ ۾ سرچ آپريشن جي اجازت ڏيڻ کان انڪار

تحريڪ انصاف چيئرمين عمران خان زمان پارڪ واري گهر جي سرچ آپريشن جي اجازت ڏيڻ کان انڪار ڪندي شرط رکي ڇڏيا، پنجاب سرڪار طرفان 9 مئي واقعن ۾ ملوث جوابدارن جي لسٽ ۽ ثبوت عمران خان حوالي، لاهور جي ڪمشنر جي اڳواڻيءَ ۾ ٽيم وارنٽ کڻي زمان پارڪ پهتي ۽ سرچ آپريشن لاءِ عمران خان سان ملاقات ڪئي پر شرطن سبب ڳالهيون بنا نتيجي ختم ٿي ويون، حڪومتي ٽيم جي نگران وڏي وزير محسن نقوي سان ملاقات، پي ٽي آءِ چيئرمين سان ڳالهين بابت آگاهي، محسن نقويءَ زمان پارڪ ٻاهران قائم پوليس جي ناڪابندي ختم ڪرڻ جو حڪم ڏيندي چيو آهي ته زمان پارڪ انتظاميا حددخليون هٽائي هو ناڪابندي ختم ڪري ڇڏيندا، عامر مير جو چوڻ آهي ته عمران خان زمان پارڪ ۾ سرچ آپريشن جي اجازت ناهي ڏني، چوي ٿو ته رڳو 4 اهلڪار اچن، هنن 22 سئو گهربل دهشتگردن جي لسٽ ۽ ثبوت عمران خان حوالي ڪيا ويا، سندس چوڻ هو ته لسٽ ۾ ڄاڻايل ماڻهو زمان پارڪ ۾ ناهن