ڪراچي جي سرجاني ٽائون واري علائقي ۾ فائرنگ جي نتيجي ۾ هڪ ڀاءُ مارجي ويو جڏهن ته ٽي زخمي ٿي پيا آهن جن کي اسپتال منتقل ڪيو ويو.
شاهه بيگ ڳوٺ خان بس اسٽاپ وٽ اڻڄاتل هٿياربندن گهر ۾ گھڙي ڦر ڪئي، مزاحمت ڪرڻ تي هٿيارن جا منهن کولي ڇڏيا.
فائرنگ جي نتيجي ۾ هڪ ڄڻو دانيال مارجي ويو جڏهن ته ساجد، عامل، بلال زخمي ٿي پيا، جن کي ايمبولينس ذريعي اسپتال منتقل ڪيو ويو.
زخمي بلال صحافين کي ٻڌايو ته 4 هٿياربند گهر ۾ گھڙي آيا ۽ڦر جي ڪوشش ڪئي، مزاحمت ڪرڻ تي فائرنگ ڪئي.
سندس چوڻ هو ته هٿياربند گهر اندر پيل ٽي لک رپيا به کڻي ويا آهن.
ٻئي پاسي پوليس جو چوڻ آهي ته جوابدارن جي سڃاڻپ ۽ گرفتاري لاءِ ڪارروائي جاري آهي، جلد کين قانون جي ڪهٽڙي ۾ آندو ويند.
