وفاقي سرڪار ججن بابت آڊيو ليڪس جي جاچ لاءِ جسٽس قاضي فائز عيسيٰ جي سربراهيءَ ۾ عدالتي ڪميشن قائم ڪري ڇڏي جنهن جو باقائده نوٽيفڪيشن به جاري ڪيو ويو آهي.
سپريم ڪورٽ جي جسٽس قاضي فائز عيسيٰ جي سربراهيءَ ۾ 3 رڪني عدالتي ڪميشن قائم ڪئي وئي.
اسلام آباد هائيڪورٽ جو چيف جسٽس عامر فاروق ۽ بلوچستان هائيڪورٽ جو چيف جسٽس نعيم اختر افغان به ٽه رڪني عدالتي ڪميشن جا ميمبر هوندا.
آڊيو ليڪس جي صداقت ۽ عدليا جي آزادي تي پوندڙ اثرن جي جاچ ٿي سگهندي، ڪميشن 30 ڏينهن ۾ مبينا آڊيوز جي جاچ مڪمل ڪندي.
ٽه رڪني عدالتي ڪميشن اڳوڻي وڏي وزير جي سپريم ڪورٽ جي جج سان مبينا آڊيو ليڪ جي جاچ ڪندي ۽ ٽيهن ڏينهن ۾ رپورٽ وفاقي حڪومت کي پيش ڪندي.
ڪميشن پنجاب جي اڳوڻي وڏي وزير چوڌري پرويز الاهي جي هڪ وڪيل سان ڳالهه ٻولهه جي آڊيو جي جاچ به ڪندي جڏهن ته اڳوڻي وزيراعظم عمران خان ۽ مسرت جمشيد چيمه وچ ۾ ٿيل ڳالهين جي آڊيو به شامل آهي.
نوٽيفڪشن ۾ چيو ويو ته ڪميشن ستن آڊيوز جي جاچ، انهن جي درستگي ۽ سچائيءَ جو پتو لڳائيندي، ڪميٽي رٽائرڊ چيف جسٽس ۽ هڪ سينيئر وڪيل وچ ۾ ڳالهه ٻولهه بابت آڊيو جي به چاڪن ڪندي، چيف جسٽس جي سس ۽ وڪيل جي گهرواريءَ وچ ۾ ڳالهه ٻولهه واري مبينا آڊيو ليڪ جي جاچ به ڪئي ويندي.
جاري ڪيل نوٽيفڪيشن ۾ چيو ويو ته ڪميٽي اڳوڻي چيف جسٽس جي پٽ ۽ سندس دوست وچ ۾ آڊيو جي به جاچ ڪندي.
نوٽيفڪشن ۾ چيو ويو ته عدليا، اڳوڻن جسٽس ۽ ججن تي سنگين الزام مڙهيا ويا آهن، جن جي ڪميٽي جاچ ڪندي.
سڌ سماءَ واري وفاقي وزير مريم اورنگزيب وفاقي حڪومت طرفان ٽه رڪني عدالتي ڪميشن قائم ڪرڻ جي تصديق ڪئي آهي
