خيبرپختونخوا جي اڳوڻي صوبائي وزير هشام انعام لاءِ تحريڪ انصاف ڇڏڻ جو اعلان ڪري ڇڏيو، سندس چوڻ آهي ته فوجي ٿاڪن ۽ شهيدن جي يادگارن کي نقصان پهچائي دشمنن کي خوش ڪيو ويو آهي، پاڪ فوج سان محبت هر ماڻهو جي مزاج ۾ شامل آهي، 9 مئي کانپوءِ تحريڪ انصاف جو حصو رهڻ توهين کان گهٽ ناهي.
پشاور ۾ پريس ڪانفرنس ڪندي تحريڪ انصاف جي اڳوڻي صوبائي وزير هشام انعام الله چيو ته 9 مئي جي واقعي تي تمام گهڻو ڏک آهي، هميشه وطن جي عزت کي پنهنجي سياست کان مٿي رکيو، ڪو دليل يا جواز هئي ته فيصلا تبديل ٿيندا رهندا آهن.
سندس چوڻ هو ته پاڪ فوج سان محبت هر انسان جيان سندس مزاج جو حصو آهي، اختلاف راءِ جمهوريت جو حسن آهي.
اڳوڻي صوبائي وزير هشام انعام الله چيو ته فوجي ٿاڪن ۽ شهيدن جي يادگارن کي نقصان پهچائي دشمنن کي خوش ڪيو ويو، هو 9 مئي کانپوءِ تحريڪ انصاف جو حصو رهڻ وطن سان بيوفائي سمجهي ٿو، جن ملڪ سان دشمني ڪئي انهن سان گڌ هڪ منٽ به نٿو رکي سگهان
